अरुण तेस्रोको सुरुङमा पुरिएका ४ जनाको जीवितै उद्दार

  • प्रकाशित मितिः असार, 3, 2075
  • पहिलो किताब संवाददाता

संखुवासभा / अरुण तेस्रोको सुरुङ खन्ने क्रममा मकालु गाउँपालिकाको फ्याक्सिन्दामा शुक्रबार राती पुरिएका ४ जनाको आईतबार सुरक्षाकर्मीले सकुशल उद्दार गरेका छन्।

प्रदेश १ का प्रहरी प्रमुख डिआईजी केदार रिजालले संखुवासभामा रहेको अरुण तेस्रो जलविद्युत आयोजनामा कार्यरत चारजना कामदारलाई सकुशल उद्दार गरिएको बताएका हुन्।

उनले आइतबार बिहान पहिरो खस्न कम भएपछि सेना, सशस्त्र र प्रहरीको टोलीले उद्दार गरेको बताए।

‘घटनास्थलबाट दिएको रिर्पोटिङमा चारैजना जिवित उद्दार भएको भन्ने आएको हो, थप अवस्थाका बिषयमा हामी बुझी रहेका छौं’ डिआईजी रिजालले नेपालखबरसँग भने।

घटनास्थलमा उद्धारका लागि प्रहरी, सशस्त्र प्रहरी, नेपाली सेना र स्थानीयबासिन्दासहित ६ वटा स्काईभेटर र डोजर परिचालित भएका थिए। नुमको फ्याक्सिन्दामा निर्माणाधिन अरुण तेस्रोको सुरुङ खन्ने क्रममा शुक्रबार राति पौने ९ बजे पहिरो झरेको थियो।

सुरुङमा पुरिएर २ नेपाली र २ भारतीय कामदार बेपत्ता भएका हुन । सुरक्षाकर्मीले कालिकोट सिउना गाउँपालिका–४ का प्रदीप शाही, जुम्ला चन्द्रनाथ नगरपालिका–१ का प्रेम परियार, भारत झारखण्डका बुधन मुण्डा र भारत बिहारका नन्द किसोरको उद्दार गरिएको हो।



पहिलो किताब मिडिया प्रालिद्वारा सञ्चालित

कम्पनी दर्ता नं. १७८०४९/०७४/७५

स्थायी लेखा नं. ६०६८५३१८१

सूचना विभाग दर्ता नं. ६००/०७४/७५

प्रेस काउन्सिल दर्ता नं. ८१०/२०७४/०७५

इटहरी उपमहानगरपालिका, सुनसरी

मोबाइल नं.: ९८५२०६३५३७

इमेल: [email protected]

वेबसाइट: www.pahilopustak.com

प्रबन्ध निर्देशकः चन्द्रमणि कट्टेल

प्रधान सम्पादकः नवराज कट्टेल

व्यवस्थापकः प्रिया पौडेल

डेक्स सम्पादकः आयुशा कोईराला / गोपाल तामाङ

Copyright © 2017 - Pahilopustak.com All rights reserved