कोरियन भाषा परीक्षा जेठ २६ र २७ मा हुने

  • प्रकाशित मितिः फाल्गुन, 24, 2074
  • पहिलो किताब संवाददाता

काठमाडौं /दक्षिण कोरियामा रोजगारीका लागि जान लिइने ईपीएस परीक्षा आगामी जेठ २६ र २७ गते काठमाडौं र पोखरामा हुने भएको छ । भाषा परीक्षाको लागि फर्म भर्न चैत ८ देखि १७ गतेसम्म १० दिनको समय राखिएको ईपीएस कोरिया शाखाले जनाएको छ ।मानव संशाधन विकास कार्यालय (एचआरडी) कोरियाका अनुसार परीक्षाको नतिजा आगामी असार १६ गते प्रकाशित हुनेछ । परीक्षा हुने स्थल, केन्द्र, दिन तथा आफ्नो सिफ्टसम्बन्धी विस्तृत जानकारी जेठ १८ गते प्रकाशन गरिने ईपीएस शाखाले बताएको छ । 

गत वर्षदेखि अनलाइन आवेदन प्रणाली सुरु गरेको एचआरडी कोरियाले फर्म भर्न लाइनमा बस्नु नपर्ने जनाएको छ । देशैभरका जुनसुकै ग्लोबल आईएमई बैंकमा २४ अमेरिकी डलर (करिब २४ सय रुपैयाँ) जम्मा गरी १० दिनभित्रमा आवेदन फर्म भर्न सकिने ईपीएस नेपाल शाखाका अधिकृत शोभाकर भण्डारीले बताए । 

उनका अनुसार यो वर्ष ‘फस्ट कम फस्ट सर्भिस’का आधारमा १२ हजार जनालाई पोखरामा पनि परीक्षा दिने व्यवस्था मिलाइने छ । गत वर्ष भने परीक्षा केन्द्र काठमाडौंमात्र निर्धारण गरिएको थियो । २०३४ साल चैत १० गतेदेखि २०५६ चैत ९ गतेभित्र जन्म भएकाले फर्म भर्न सक्नेछन् । कोरियाले आगामी वर्षका लागि ७ हजार १ सय जना कामदारलाई परीक्षाबाट छनोट गर्ने भएको छ । त्यसमध्ये उत्पादनमूलक क्षेत्रतर्फ ४ हजार ८ सय जना र कृषि तथा पशुपालन क्षेत्रतर्फ २ हजार ३ सय जनालाई उत्तीर्ण गराउने भएको छ । 



पहिलो किताब मिडिया प्रालिद्वारा सञ्चालित

कम्पनी दर्ता नं. १७८०४९/०७४/७५

स्थायी लेखा नं. ६०६८५३१८१

सूचना विभाग दर्ता नं. ६००/०७४/७५

प्रेस काउन्सिल दर्ता नं. ८१०/२०७४/०७५

इटहरी उपमहानगरपालिका, सुनसरी

मोबाइल नं.: ९८५२०६३५३७

इमेल: [email protected]

वेबसाइट: www.pahilopustak.com

प्रबन्ध निर्देशकः चन्द्रमणि कट्टेल

प्रधान सम्पादकः नवराज कट्टेल

व्यवस्थापकः प्रिया पौडेल

डेक्स सम्पादकः आयुशा कोईराला / गोपाल तामाङ

Copyright © 2017 - Pahilopustak.com All rights reserved