सभासद् पार्वत गुरुङ साधारण तारेखमा छुटे

  • प्रकाशित मितिः कार्तिक, 3, 2076
  • पहिलो किताब संवाददाता

काठमाडौँ/ ज्यानमार्ने उद्योगमा किटानी जाहेरी परेपछि पक्राउ पूर्जी जारी गरिएका नेकपाका सांसद पार्वत गुरुङ साधारण तारेखमा रिहा भएका छन्।

काठमाडौं जिल्ला अदालतमा आइतबार भएको थुनछेक बहसपछि न्यायाधिश पूर्णेश्वरप्रसाद उपाध्यायले गुरुङलाई साधारण तारेखमा छाड्न आदेश दिएका हुन्। दोलखाबाट प्रतिनिधि सभाका लागि निर्वाचित सांसद गुरुङ आइतबार  अदालतमा उपस्थित भएर बयान दिएपछि थुनछेक बहस सुरु भएको थियो।

गुरुङको पक्षबाट अधिवक्ताहरु शम्भु थापा, टिकाराम भट्टराईलगायतले बहस गरेका थिए।

नेकपाका कार्यकर्ता वीरध्वज खड्काले संघीय संसदका सदस्य गुरुङसहितले आफ्नो हत्या प्रयास गरेको भन्दै गौशाला प्रहरीमा किटानी जाहेरी दिएका थिए ।

त्यसपछि प्रहरीले कात्तिक १४ गतेसम्मको म्यादसहितको पक्राउ पूर्जी जारी गरेको थियो। सांसद गुरुङ आफै आइतबार जिल्ला अदालत काठमाडौँमा हाजिर भएका हुन्।

नेकपाका दोलखाबाट निर्वाचित सांसद गुरुङमाथि तत्कालीन माओवादीका कार्यकर्ता वीरध्वज खड्काले हत्या प्रयासको आरोप लगाएका हुन्।

उनीमाथि २०७४ को चुनावअघि गौशालमा सार्वजनिक यातायातमा रहेका बेला कुटपिट भएको थियो। सोही घटनालाई लिएर सांसद गुरुङविरुद्ध किटानी जाहेरी भएको हो।



पहिलो किताब मिडिया प्रालिद्वारा सञ्चालित

कम्पनी दर्ता नं. १७८०४९/०७४/७५

स्थायी लेखा नं. ६०६८५३१८१

सूचना विभाग दर्ता नं. ६००/०७४/७५

प्रेस काउन्सिल दर्ता नं. ८१०/२०७४/०७५

इटहरी उपमहानगरपालिका, सुनसरी

मोबाइल नं.: ९८५२०६३५३७

इमेल: [email protected]

वेबसाइट: www.pahilopustak.com

प्रबन्ध निर्देशकः चन्द्रमणि कट्टेल

प्रधान सम्पादकः नवराज कट्टेल

व्यवस्थापकः प्रिया पौडेल

डेक्स सम्पादकः आयुशा कोईराला / गोपाल तामाङ

Copyright © 2017 - Pahilopustak.com All rights reserved