श्रीमती हत्या गरेको आरोपमा एक युवक पक्राउ

  • प्रकाशित मितिः मंसिर, 10, 2076
  • पहिलो किताब संवाददाता

बुटवल/ पूर्वी नवलपरासीको बुलिङटार गाउँपालिकामा एक युवकलाई श्रीमती हत्याको आरोपमा प्रहरीले नियन्त्रणमा लिएको छ । जिल्ला प्रहरी कार्यालय नवलपरासी बर्दघाटले बुलिडटार गाउँपालिका वडा नंं. ४ का  तुलाराज गोदामीलाई श्रीमती हत्या आरोपमा पक्राउ गरेको हो ।

मृतक महिला बुलिङटार ४ निवासी १८ वर्षीय महिला गोमती गोदामी मगरका आफन्तले मंगलबार कावासोतीमा पत्रकार सम्मेलन गर्दै गोमतीको हत्या भएको दावी गरेका छन् । उनीहरुले गोमतीका बुवा गिरनबहादुर जर्गाहामगरले आफ्नो छोरीलाई हत्या गरेको भएपनि राजनीतिक आडमा घटना लुकाउन खोजिएको बताए ।

मृतक गोमतीका बुवा गिरनबहादुरले आफ्नी छोरीलाई ज्वाई तुलाराज गोदामी मगरले हत्या गरेको दावी गरे । २०७५ साल जेठ २० गते भएको घटनालाई गुपचुप बनाई  आत्महत्याको रुपमा पुष्टि गर्न खोजिएको र पछि आफूहरु उच्च अदालत पोखरा गएर मुद्दा हालेपछि अदालतको आदेशमा मृतकका श्रीमान्लाई पक्राउ गरिएको गिरनबहादुर जर्गाहामगरले बताए ।

उच्च अदालत पोखराको आदेशमा गोदामीलाई नियन्त्रणमा लिई घटनाको अनुसन्धान गर्न आदेश जारी भएपछि मात्र प्रहरीले मंसिर ०८ गते नियन्त्रणमा लिएको छ । अदालतको आदेशअनुसार मृतकका श्रीमानलाइ नियन्त्रणमा लिई म्याद थप गरी घटनाको अनुसन्धान भैरहेको प्रहरी नायव उपरीक्षक अर्जुन रानाभाटले बताए ।

 


 



पहिलो किताब मिडिया प्रालिद्वारा सञ्चालित

कम्पनी दर्ता नं. १७८०४९/०७४/७५

स्थायी लेखा नं. ६०६८५३१८१

सूचना विभाग दर्ता नं. ६००/०७४/७५

प्रेस काउन्सिल दर्ता नं. ८१०/२०७४/०७५

इटहरी उपमहानगरपालिका, सुनसरी

मोबाइल नं.: ९८५२०६३५३७

इमेल: [email protected]

वेबसाइट: www.pahilopustak.com

प्रबन्ध निर्देशकः चन्द्रमणि कट्टेल

प्रधान सम्पादकः नवराज कट्टेल

व्यवस्थापकः प्रिया पौडेल

डेक्स सम्पादकः आयुशा कोईराला / गोपाल तामाङ

Copyright © 2017 - Pahilopustak.com All rights reserved