बार काउन्सिलकी पहिलो महिला अध्यक्षमाथि अधिवक्ताद्वारा गोली हानी हत्या

  • प्रकाशित मितिः जेठ, 30, 2076
  • पहिलो किताब संवाददाता

एजेन्सी / दुई दिनअघि उत्तर प्रदेशको बार काउन्सिलकी पहिलो महिला अध्यक्ष छानिएकी दरवेश यादवको बुधबार साथी अधिवक्ताले गोली हानी हत्या गरेका छन् ।

हमला गर्ने अधिवक्ता मनिष बाबु शर्माले पनि आफूलाई गोली हानेका छन् । उनलाई अस्पताल भर्ना गरिएको छ र स्थिती गम्भिर बताइएको छ । दरवेश बार काउन्सिलका २४ सदस्यमध्ये एक्ली महिला थिइन् ।

दरवेशको स्वागतको कार्यक्रम थियोः

भारतीय संचार माध्यमका अनुसार बुधबार अदालतको परिसरमा दरवेशको स्वागत कार्यक्रम थियो । कार्यक्रमपछि उनी वरिष्ठ अधिवक्ता अरविन्द कुमार मिश्राको चेम्बरमा बसेकी थिइन् ।

स्थानीय पत्रकार विवेक कुमार जैनका अनुसार बुधबार दिउँसो करिब तीन बजे युपी बार काउन्सिलकी अध्यक्ष दरवेश यादव र अधिवक्ता मनिष शर्माबीच केही विषयमा विवाद भयो । आगराका असिस्टेन्ट डिरेक्टर जनरल अजय आनन्दका अनुसार विवाद यति बढ्यो कि अधिवक्ता मनिष शर्माले दरवेश यादवलाई तीन पटक गोली हाने ।

अवकाशप्राप्त डिएसपीकी छोरी थिइन् दरवेशः

दरवेशका पिता डिएसपी थिए । दरवेश सन् २०१६ मा बार काउन्सिलकी उपाध्यक्ष र सन् २०१७ मा कार्यकारी अध्यक्ष पनि भइन् ।



पहिलो किताब मिडिया प्रालिद्वारा सञ्चालित

कम्पनी दर्ता नं. १७८०४९/०७४/७५

स्थायी लेखा नं. ६०६८५३१८१

सूचना विभाग दर्ता नं. ६००/०७४/७५

प्रेस काउन्सिल दर्ता नं. ८१०/२०७४/०७५

इटहरी उपमहानगरपालिका, सुनसरी

मोबाइल नं.: ९८५२०६३५३७

इमेल: pahilokitaab@gmail.com

वेबसाइट: www.pahilokitaab.com

प्रबन्ध निर्देशकः चन्द्रमणि कट्टेल

प्रधान सम्पादकः नवराज कट्टेल

व्यवस्थापकः प्रिया पौडेल

डेक्स सम्पादकः आयुशा कोईराला / गोपाल तामाङ

Copyright © 2017 - Pahilokitaab.com All rights reserved