धरानमा अझै नियन्त्रणमा आएन डेंगुको संक्रमण, बिरामीको संख्या ४ सय पुग्यो

  • प्रकाशित मितिः जेठ, 29, 2076
  • पहिलो किताब संवाददाता

धरान / सुनसरीको धरान उपमहानगरपालिकामा डैंगुको संक्रमण बढ्दै गएको छ । डेंगुको संक्रमण देखिन थालेको एक महिना हुँदा संक्रमण झनै बढ्दै गएको हो ।

धरान उपमहानगरपालिकामा ४ सय भन्दा बढी बिरामीमा डेंगुको संक्रमण भेटिएको उपमहानगरपालिकाका स्वास्थ्य संयोजक रामबाबु यादवले जानकारी दिए ।  धरानका अस्पतालहरुमा एकै दिन ८० भन्दा बढी नयाँ डेंगु बिरामीहरु अस्पताल आउन थालेका यादवले बताए।

‘हामीले डेंगु नियन्त्रणका लागि प्रयास गरीरहेको भए पनि बिरामीको संख्या झनै बढेको छ, यो रोग अझै नियन्त्रणमा आउन सकेको छैन,’ यादवले भने ।

यादवका अनुसार धरान उपमहानगरपालिकाको ८,९ १० र १५ वडामा डेंगुको संक्रमण बढी रहेको छ । उक्त क्षेत्रमा जोखिम कायमै रहेकाले सजक रहन स्वास्थ्यकर्मीहरुले सुझाव दिएका छन् ।

के हो डेंगु ?

डेंगु एक प्रकारको भाइसर हो । इडिस एनिप्टाई जातको संक्रमित पोथी लामखुट्टेको कोटाइबाट डेंगुको संक्रमण हुने गर्छ ।

डेंगुका लक्षण

–  अत्याधिक ज्वरो आउँने,

– आँखा दुख्ने,

– टाउँको दुख्ने,

– मांसपेशी तथा जोर्नीहरु दुख्ने,

– शरीरमा विविराहरु आउने,

डेंगुको संक्रमणबाट यसरी बच्नुस्

– लामखुट्टे बस्ने वातवरण नबनाउने,

– घर वरिपरिका खाल्डाखुल्डी पुर्ने,

– घर बाहिर निस्किँदा शरीर ढाक्ने कपडा लगाउने,

– लामखुट्टेले नटोक्ने क्रिमको प्रयोग गर्ने,

– झुलको प्रयोग गर्ने,

– घरमा बाल्टिन तथा भाडाहरुमा राखेको पानी छोपेर राख्ने,

– गाडीका पुराना टायरहरु व्यवस्थापनमा ध्यान दिने ।



पहिलो किताब मिडिया प्रालिद्वारा सञ्चालित

कम्पनी दर्ता नं. १७८०४९/०७४/७५

स्थायी लेखा नं. ६०६८५३१८१

सूचना विभाग दर्ता नं. ६००/०७४/७५

प्रेस काउन्सिल दर्ता नं. ८१०/२०७४/०७५

इटहरी उपमहानगरपालिका, सुनसरी

मोबाइल नं.: ९८५२०६३५३७

इमेल: pahilokitaab@gmail.com

वेबसाइट: www.pahilokitaab.com

प्रबन्ध निर्देशकः चन्द्रमणि कट्टेल

प्रधान सम्पादकः नवराज कट्टेल

व्यवस्थापकः प्रिया पौडेल

डेक्स सम्पादकः आयुशा कोईराला / गोपाल तामाङ

Copyright © 2017 - Pahilokitaab.com All rights reserved