मनकामना पोखरा कपको उपाधि क्यामरुन डफिन्सको पोल्टामा

  • प्रकाशित मितिः माघ, 28, 2075
  • पहिलो किताब संवाददाता

इटहरी / क्यामरुनको डफिन्स टिम फेमिलीले छैटौँ संस्करणको मनकामना केबलकार पोखरा कप अन्तर्राष्ट्रिय फुटबल प्रतियोगिताको उपाधि जितेको छ ।

कास्की जिल्ला फुटबल सङ्घको आयोजना तथा मनकामना दर्शन प्रालिको मुख्य प्रायोजनमा भएको प्रतियोगिताको आज भएको प्रतिष्पर्धात्मक फाइनल खेलमा डफिन्सले सशस्त्र प्रहरीको एपिएफ क्लबलाई १–० गोलअन्तरले पराजित गरी उपाधि जितेको हो ।

खेलको ५४औँ मिनेटमा डफिन्सका यानिकले गरेको एकमात्र गोलनै टिमलाई उपाधि दिलाउन पर्याप्त भयो । उपाधि विजेता डफिन्सले रु सात लाख ५५ हजार, ट्रफी तथा प्रमाणपत्र प्राप्त ग¥यो भने उपविजेता भएको एपिफएले रु चार लाख पाँच हजार ५५५ मा चित्त बुझायो ।

विजेता तथा उपविजेता टिमलाई अखिल नेपाल फुटबल सङ्घका अध्यक्ष कर्माछिरिङ शेर्पालगायतले पुरस्कार तथा प्रमाणपत्र वितरण गरेका थिए । प्रतियोगिताको सर्वोत्कृष्ट खेलाडीको उपाधि जित्दै एपिएफका गोलकिपर राजु नगरकोटीले एक थान मोटरसाइकल प्राप्त गर्न सफल भए ।

प्रतियोगिताको उत्कृष्ट डिफेन्डरमा एपिएफका राजु दङ्गाल, फरवार्ड डफिन्सका यानिक, गोलकिपरमा एपिएफका राजु नगरकोटी, मिडफिल्डर मनाङका हेमन गुरुङ तथा उत्कृष्ट प्रशिक्षकमा एपिएफका राजेन्द्र तामाङ चुनिँदै जनही रु २५ हजार पुरस्कार तथा ट्रफी हात पारे ।

यसैबीच जिल्ला फुटबल सङ्घले प्रतियोगिताको समापन समारोहमा खेल पत्रकार उमेश पुनलाई नगद रु २५ हजारसहित सम्मान गरेका छ । पत्रकारिताको माध्यमबाट खेल क्षेत्रको विकासमा पु¥याएको योगदानस्वरुप पुनलाई सम्मान गरिएको सङ्घले जनाएको छ ।



पहिलो किताब मिडिया प्रालिद्वारा सञ्चालित

कम्पनी दर्ता नं. १७८०४९/०७४/७५

स्थायी लेखा नं. ६०६८५३१८१

सूचना विभाग दर्ता नं. ६००/०७४/७५

प्रेस काउन्सिल दर्ता नं. ८१०/२०७४/०७५

इटहरी उपमहानगरपालिका, सुनसरी

मोबाइल नं.: ९८५२०६३५३७

इमेल: pahilokitaab@gmail.com

वेबसाइट: www.pahilokitaab.com

प्रबन्ध निर्देशकः चन्द्रमणि कट्टेल

प्रधान सम्पादकः नवराज कट्टेल

व्यवस्थापकः प्रिया पौडेल

डेक्स सम्पादकः आयुशा कोईराला / गोपाल तामाङ

Copyright © 2017 - Pahilokitaab.com All rights reserved